So, so, so, was hämmer da?
Chinde, grad zwei hu,oh
Das macht mir Angscht.
Im Pijama stönd sie vor mir ha, ha, ha.

En Chäfer mit Gige?
Trou mine Auge nöd.
Was wänd ihr da, ihr Winzling?
Werum lueged ihr so blöd?/dri?

En Scherz, ja zum lache
Das isch alles gar nöd wahr.
En Sumsema mit nur foif Bei?
Die friss i all ganz klar!

Vor viele hundert Jahre bald, am Sunntig im ne Wald,
bin ich wie immer Holz go stähle, das isch mis Metier halt.
Per Zuefall hät mich d’Nachtfee vom Mond us grad ertappt.
Zur Straf hät sie mich samt em Holz
uf de höchschti Mondberg bannt.
O-oh, o-oh, o-oh. Bin jetzt dä Mondmaa han alli Gwalt!

Ich bin verdammt, so will sie’s, in alli Ewigkeit.
Söll Bäum abhaue, Ruete schleppe, das macht en Mondmaa halt.
Sit hunderte vo Jahre han ich nüt z’frässe gha.
Die Chinde und dä Sumser, die lahn ich mir nöd entgah!
O-oh, o-oh, o-oh, bin jetzt Mondmaa, Schreckgestalt.

Ich lehr eui zersch mal s’Fürchte mit miner blanke Agscht!
Mis lange, scharfe Mässer das macht eui dänn grässlich Angscht.
Sie brate und schlachte wird für mich en super Gnuss!
Gänd alles her, was ihr no händ und dänn ich würkli Schluss.

(Pe. und An.): Mir händ nüt meh und gänd nüt meh, so gib eus jetzt das Bei!

Hey, Chinde und Sumser wer interessiert dänn das
Verstönd ihr äntli d’Situation
S’gaht niemer wieder hai!
Mini Schnüffelschnauze isch jetzt greizt, ganz zünftig aber wahr!
Bin dä Mondmaa unersättlich und friss eui samt Huut und Haar!