Donnermann:
Potz Donnerkrach und Paukeschlag
Ja, ich freu mi uf eui all!
Mit eui zäme si, macht mir riese Spass,
gaht nöd ohni lute Knall.

Es rumplet i mir ine fescht.
Ich chas chum verhebe ganz.
Müend entschuldige mini schrecklich Freud,
so tönt min bombe Donnertanz!

Alle:
Nachtfeekafi isch e richtigs Fescht
Donnermann:
Da mues mer trummle wild
und mit Pauke schla
Alle:
Es started ersch mit de Nachtfeegescht.

Regenfritz:
Freut mich, dass ihr da sind.
Ich wett tümple immer zue!
Ganz pflitsch und pflotsch mues alles si,
ersch das git mir chli Rue!

Sind bitte nöd so zimperlich,
chli nass mues es scho si.
Jedi Pfütze laht s’Herz höcher schla,
git mir Energie.

Trüpelü, tüp tüp tüpi dü
Min Paraplui de schützt es Mü.
Dänn Räge isch halt nass.

Alle:
Nachtfeekafi, mir chömed schüli gern.
En schöne Kafiklatsch da im Nachtfeeschloss

Regenfritz:
isch Ehresach, da bisch debi!

Sturmliese:
Die Herre, jetzt mal Platz da
Eui Uftritt sött nöd no länger gah.
Jetzt chum ich und bring de Wirbelwind,
er laht gar nüt meh am Ort lah stah.

Ich bin vo wiit her z’flüge cho,
Han vill grüttlet und grisse überall.
De Übermuet begleitet mich,
Han Chreft und bin schnäll wie Überschall.

Huiuiui Sumsiselsei 
Begrüess mini Fründe,
Will nonig grad hai.
Bin gspannt, was es z’tratsche git.

Alle:
Nachtfeekafi
Alli sind parat
Mir liebed Nachtfeeklatsch

Mir chömed gern zu dir hüt

Mir danked alli dir

Naturgeister:
für dini Iladig zum

Alle
Nachtfeekafi